ل عەفرینێ زێدەتر ژ 35 کۆمەلگەھێن نشتەجیبوونێ ھاتنە ئاڤاکرن، د ناڤا وان دە عەرەبێن ناڤچەیێن دن یێن سووریەیێ ھاتنە بجیکرن.
کۆمەلگەھێن نشتەجیبوونێ یێن ل سەر ئاخا عەفرینێ ھاتنە چێکرن، ھەر چقاس د مەدیایێ دە تێ گۆتن کو مەبەست ژ چێکرنا ڤان کۆمەلگەھان، باشکرنا رەوشا کۆچبەرانە دا د بن چادران دە نەمینن، لێ ئارمانجا وێ یا سەرەکە، گوھەرتنا دیمۆگرافیا عەفرینێ یە.
ئەڤ کۆمەلگەھ ب پشتەڤانیا ترکیێ و رێخستنێن قەتەر، کووەیت و فلەستینی تێنە چێکرن. ب گۆتنا کەسێن د ناڤ دە، ژ پرانیا پارێزگەھین سووریەیێ ل ناڤا ڤێ کۆمەلگەھێ دمینن، لێ بنەسازیا وێ گەلەک خرابە و گەلەک کێماسیێن وێ ھەنە.
ل عەفرینێ 38 کۆمەلگەھێن نشتەجیبوونێ ھاتنە ئاڤاکرن، ھەر کۆمەلگەھەک دەردۆرا 300 خانیان ل خوە دگرە، بەری نھا ژی رێخستنێن مرۆڤی ھشیاری ژ ئاڤاکرنا وان خانیان دابوون کو رێژەیا کوردان رۆژ ل پەی رۆژێ ل ڤێ ھەرێمێ کێم دبە، کو ژ سالا 2018 ڤە رێژەیا کوردان %98 بوو لێ نھا داکەتیە %23.
