هێزێن ئەولەکاریا هوندرین (ئاسایش) راگهاند، درۆنەکە ترکیەیێ ئۆتۆمۆبیلەک هێزێن وان ل سەر رێیا قامشلۆ و حەسەکێ بۆمبەباران کر و د ئەنجامێ دە ئەندامەکی وان هات کوشتن و 3 ئەندامێن دن ژی بریندار بوون.
ناڤەندا راگهاندنێ یا هێزێن ئەولەکاریا هوندرین د داخویانیەکێ دە راگهاند، درۆنەکە ترکیەیێ دوهـ 24ێ چلەیێ ئۆتۆمۆبیلەکە ژ جورەیا (ڤان) ل سەر رێیا ناڤدەولەتی یا قامشلۆ – حەسەکێ کر ئارمانج، د ئەنجامێ دە ئەندامەکی وان هات کوشتن و 3 ئەندامێن دن ژی بریندار بوون.
د داخویانیێ دە هات گۆتن، ئارمانجا سەرەکە ترکیەیێ ژ ئارمانجکرنا هێزێن ئاسایشێ ئەوە کو ئەولەهی و ئارامیا گەل و هەرێمێ تێک بچە و ئاستەنگی ل پێش کارێ هێزێن ئاسایشێ بێن دەرخستن.
رێڤەبەریا خوەسەر ژی د داخویانیەکێ دە راگهاندبوو، ترکیەیێ ژ دەستپێکا سالێ و هەتا 15ێ مەهێ ڤە، 73 جاران ئێریش پێک ئانینە و ب گرانی ناڤەندێن خزمەتکاریێ و وەستگەهێن ئەنەرژیێ هاتنە بۆمبەبارانکرن.
