چەکدارێن رێخستنا پەکەکێ دوهـ ل دەڤەرا ئامێدیێ ئێرشی ھێزا پێشمه‌رگه كر، ده‌ربارێ ڤێ ئێریشا دژمنكاری داركامازی راستیا بوویه‌رێ ئاشكه‌ره دكه.
چاڤكانیێن تایبه‌ت یێن پێگه‌ها داركا مازی ئیرۆ ئاگاهی ده‌رباری ئێریشا دوهـ رۆژا چارشه‌می یا چه‌كدارێن په‌كه‌كێ ل سه‌ر هێزا پێشمه‌رگه ل ده‌ڤه‌را ئامێدی ئاشكه‌ره كرن:
بوویه‌ر ووسا بوو:
ل رێككه‌فتی 24\1\2024ێ ل ده‌مژمێر 10:00ی سپێدێ، دو ئۆتۆمۆبیلێن چه‌كدارێن په‌كه‌كێ یێن ژ جورێ پیك ئاپ ده‌بل كابینه ژ ئالیێ گوندێ سپیندارا خه‌لفۆ ل ده‌ڤه‌را به‌رێ گاره‌ی به‌ر ب گوندێ سه‌رگه‌لێ یێ ناحیا دێره‌لۆكێ ل ده‌ڤه‌را نهێلێ چوویه، ل نێزی نوقته‌یا هێزا پێشمه‌رگه یا ل ئاقارێ گوندێ سه‌رگه‌لێ ل ده‌مژمێر 11:05 سپێدێ گوللـه به‌ردانه نوقته‌یا پێشمه‌رگه‌ی، هنه‌ك ژ گوللـه‌یێن چه‌كدارێن په‌كه‌كێ ل نێزی نوقته‌یا هێزا ئاساییشێ یا ل دۆریانا گوندێ دێره‌شێ كه‌تنه و هێزا پێشمه‌رگه‌هان ژی به‌رسڤا وێ ته‌قێ دایه.
چاڤكانیێن داركا مازی ئاشكه‌ره كرن، چەکدارێن پەکەکێ یێ، كو گولـلە بەردان ھێزێن پێشمەرگا پشتره ژ وێ دەرێ رەڤیان.
چەند رۆژان بەرێ د مەدیایا ب ناڤێ شار پرێس دە کو نێزی رێڤەبەرێن یەنەکێ یە و ناڤەندا وێ ل سلێمانیێ یە، بەلگەیەکە سەختە ب سەرناڤێ “ھێزێن زێرەڤانی دێ ئێرشی پەکەکێ بکن” ھاتبوو بەلاڤکرن.
شار پرێس پشتی داخویانیا فەرمانداریا زێرەڤانی کو نووچەیا وان ب دەرەو دا دیارکرن، نووچە ژێ بر. ھەر چقاس نووچە و بەلگەیا ھاتیە وەشاندن دەرەو بوو ژی لێ مەدیایا پەکەکێ ب ئاوایەکی بەرفرەهـ ئەڤ نووجە خست رۆژەڤێ.
ئیرۆ ھێزێن پەکەکێ ژ بۆ ئیستیفزازکرنا ھێزێن پێشمەرگە ل دەڤەرا ئامێدیێ گولـلە بەردان پێشمەرگەیان و خوەست ئاژاوەگێریێ دورست بکە و بەهانەیەکی ژی ژ بۆی ئێریشا خوە یا پلانکری چێبکە.
