ئیرانێ جەزایێ دارڤه‌كرنێ دا گرتیێ سیاسی یێ كورد یووسف ئەحمەدی
دیوانا بلندا دادوەریێ یا ئیرانێ جەزایێ بدارڤەکرنێ دا گرتیێ سیاسییێ کورد یوسف ئه‌حمه‌دی.
رێخستنا مافێن مرۆڤان هه‌نگاوێ راگهاند کو یووسف ئه‌حمه‌دی خەلکێ بانەیێ یە و سێ سال و چار مەهن کو ل زیندانا سنەیێ گرتییە.
شاخا یەکەما دادگەها شۆرەشێ یا سنەیێ جەزایێ دارڤه‌كرنێ دایە یووسف ئه‌حمه‌دی و شاخا 39ان یا دیوانا بلندا دادوەریێ یا ئیرانێ ژی ئەڤ جەزا پەسەند کریە.
یووسف ئه‌حمه‌دی ب تۆهمەتا (شەرێ چەکدارییێ ل دژی دەستهلاتێ) هاتبوو گرتن.
سازیێن مافێن مرۆڤان یێن رۆژهلاتێ کوردستانێ ئەشکەرە کر، سێ وەلاتیێن دن یێن ژ رۆژئاڤایێ کوردستانێ ژی ب ئیدامێ هاتنە جەزاکرن و ئەگەرا کو وەرن دالقاندن هەیە.
