ب ئامادەبوونا سەرۆکوەزیرێ ھەرێما کوردستانێ مەسروور بارزانی، کۆنفەرانسا نوونەراتیێن حکوومەتا ھەرێما کوردستانێ ئیرۆ 28/1/2024 ل ھەولێرێ برێڤە دچە.
نوونەراتیێن حکوومەتا ھەرێما کوردستانێ
نوونەراتیێن حکوومەتا ھەرێما کوردستانێ ل 14 وەلاتان ھەنە و ل سەر کارنامە و سیاسەتا کابینەیا نەھەمینا حکوومەتا ھەرێما کوردستانێ کار دکن. پێشتر بەرپرسێ فەرمانگەھا پەیوەندیێن دەرڤە سەفین دزەیی گۆتبوو، ئەو پلان دکن کو نوونەراتیێن خوە ل چەند وەلاتێن دن ژی ڤەکن.
کۆنسولخانەیێن وەلاتان ل ھەرێما کوردستانێ
ل سەر ئاستا ناڤخوەیی، زێدەتر ژ 40 وەلاتان کۆنسولخانە و نوونەراتیێن خوە ل ھەرێما کوردستانێ ڤەکرنە کو 38 ژ وان وەلاتان، ئەندامێن نەتەوەیێن یەکگرتی نە. تەنێ ئیرانێ ژی کۆنسولخانەیا خوە ل ھەولێر و سلێمانیێ ڤەکرنە.
ڤەکرنا ھەژمارەک کۆنسولخانەیێن نوو ل ھەرێما کوردستانێ و ھەبوونا ب دەھان کۆنسولخانەیێن دن، وەکە کو سەفین دزەیی ئاماژە ب وێ یەکێ دکە، “نیشانەکا باشە کو ھەرێما کوردستانێ خوەدی پێگەھەک تایبەتە و ئەڤ نوونەراتی ژی رۆلا وان د خورتکرنا پێوەندی دە پێک تینن.”
بھێزکرنا پێوەندیێن ھەرێما کوردستانێ ل سەر ئاستا ناڤدەولەتی
خورتکرن و نیشتیمانیکرنا پێوەندیێن ھەرێما کوردستانێ ل سەر ئاستا ناڤدەولەتی، یەک ژ کارێن پێشینێن کابینەیا نەھەمینە کو ب دەستبکاربوونێ رە، ب بەرپرسیاریەکا مەزن دەست ب جێبەجێکرنا ڤێ بەشا کارنامەیا حکوومەتێ کریە.
سەرۆکوەزیرێ ھەرێما کوردستانێ مەسروور بارزانی، د شەرت و مەرجێن ھەری دژوار دە کاریە خوەندنەکا راست ژ پەیوەندیێن ناڤدەولەتی و ھەرێمی رە بکە، پشتی بوویەرێن 16 جۆتمەھا 2017 ژی ب ئیرادەیەکە بھێز گاڤ بەر ب پێشخستنا پێوەندیێن ناڤدەولەتی ئاڤێتن.
