کۆلبەرەک ب گولـلەیێن ھێزێن ئەولەھیا ئیرانێ ھات کوشتن

 کۆلبەرەکی باژارێ سەقزا رۆژھلاتێ کوردستانێ د دەما کۆلبەریێ یا ل سینۆرێ وی باژاری دە، ب گولـلەیێن راستەراست یێن ھێزێن ئەولەھیا ئیرانێ ھات کوشتن.

دوھ 27/1/2024 ئێڤاری کۆلبەرەکی تەمەن 45 سالی یێ خەلکێ باژارێ سەقزێ یێ ب ناڤێ مەنسوور محەمەدینژاد د دەما کۆلبەریێ دە ب گولـلەیێن راستەراست یێن ھێزێن ئەولەھیا ئیرانێ ل سینۆرێ بەستامی یا سەر ب باژارێ سەقزێ ھاتە کوشتن.

رێخستنا مافێ مرۆڤان یا ھەنگاو ڤێ دەربارێ دە راگەھاند، ئەو ھەموەلاتی خەلکێ گوندێ جونیان یا سەر ب ناڤچەیا زێوە یا سەر ب باژارێ سەقزە و ل رووبارێ بەستام ب گولـلەیێن راستەراست یێن ھێزێن ئەولەھیا ئیرانێ ڤە ھاتیە کوشتن.

د ھەمان راپۆرتێ دە ھات گۆتن، ئەو کۆلبەر ژ پشتێ ڤە و ب گولـلەیێن چەکا کەلەشینکۆف ھاتیە کوشتن.