فرۆکەکا شەری خانیێ وەلاتیەکی گوندێ گەلالە یێ ل پارێزگەھا سلێمانیێ بۆمبەبارکری کر.
وەلاتیەکی ژ گوندێ گەلالە ژ K24 رە راگھاند، فرۆکەکا شەری ئیرۆ دەمژمێر 01:00 مالا وەلاتیەکی ل گوندێ گەلالەیێ سەر ب ناڤچەیا ماوەت یا سلێمانیێ ڤە بۆمبەباران کر.
دیار کر ژی: “د ئەنجاما بۆمبەبارانێ دە مال ب تەمامی وێران بوویە. ئەم گومان دکن کو فرۆکەیەکا شەری یا ئارتێشا ترکیەیێ بە، ژ بەر کو بەری نھا چەند جاران ترکیەیێ ب ھنجەتا ھەبوونا پەکەکێ، ئەو ناڤچە بۆمبەباران کربوو.”
وی وەلاتی دا زانین: “چ زیانێن جانی چێنەبوونە، ژ بەر کو دەما بۆمبەبارانێ ئەو مال ڤالا بوو، وەلاتیێن کو تێ دە دژین چووبوون سلێمانیێ.”
ل گۆری وی وەلاتی، د ئەنجاما بۆمبەبارانێ دە زیان گھایە زەڤیێن چاندنیێ یێن دەردۆرێ ژی.
