رێخستنا په‌كه‌كێ ئۆفیسه‌كه خوه ئا فه‌رمی ژ بۆی سته‌ندنا باجا ب زۆر ڤه‌كر، ته‌علیمات و كوژمه‌یا باجا كو وێ ژ تجار، كارساز و كاسبكار وشیركه‌تان ژی وه‌ره ستاندن ئیلان كرن.
داركا مازی ژ چاڤكانیێن خوه یێن تایبه‌ت هین بوو كو رێخستنا په‌كه‌كێ بۆ سالا نوو 2024ێ ئۆفیسه‌ك ژ بۆی ستاندنا ب زۆر یا باجێ ل تاخا تل حه‌جه‌ر یا باژارێ حه‌سه‌كێ ل رۆژئاڤا كوردستانێ ڤه‌كر و بانگ ل تجار، كارساز و كاسبكار وخوه‌دیێن شیركه‌تان و هه‌یا كاركه‌ر و فرنه‌چیان ژی كر كو بچن باجا خوه بدن.
چاڤكانیێن داركا مازی ئاشكه‌ره كرن، ئۆفیسا په‌كه‌كێ یا ستاندنا باجێ ل حه‌سه‌كێ ب دارێ زۆرێ ده‌ست ئاڤێتیه كۆمكرنا په‌ره‌یان ژ شیركه‌تان، كارگه‌هـ، خوه‌دیێن پێشانگه‌هێن ترومبێلان، پاره‌گوهۆران، تجار و خوه‌دیێن ره‌ستورانتان، هه‌ر وها كارساز، كاسبكار و هه‌یا كه‌سێن كو د ناڤا فرنێن نانی ده ژی د خه‌بتن و ب ڤی ئاوایی:
1000$ شیره‌كان.
800$ – 1000$ خوه‌دیێن پێشانگه‌هێن ئۆتۆمۆبیلان.
700$ تجارێن خانی و زه‌ڤیان.
1000$ ئۆفیسێن حه‌والاتن.
500$ – 2000$ كارگه‌هـ.
300$-400$ مۆل و ماركێتێن مه‌زن.
500$ ره‌ستورانت.
100$ فرن.
رێخستنا په‌كه‌كێ ل ده‌ستپێكا هه‌موو ساله‌كێ ب دارێ زۆرێ ده‌ست ب كۆمكرنا په‌ره‌یان دكه و ب رییا باسك و چه‌ته‌یێن خوه ل ژێر ناڤێ باجێ و ئالیكارییا رێخستنێ، په‌ره‌یان ژ گه‌لێ كورد دستینه، بێئه‌خلاقییا رێخستنێ د ڤێ مژارێ ده ئه‌وقاسه كو خوه په‌ره‌یان ژ وان كۆلبه‌ران ژی دستینه یێن كو ژ بۆی ده‌بارا ژیانا خوه رۆژانه ل به‌ر فیشه‌كێن سپایێ پاسداران چیایێن به‌فرین یێن رۆژهلات دبرن.
