باشاک دەمیرتاش ژ بۆ بەربژێریا سەرۆکاتیا شارەداریا ستەنبۆلێ سەری ل دەمێ دا

د دەربارێ بەربژێریا باشاک دەمیرتاش یا ھەڤژینا ھەڤسەرۆکێ بەرێ یێ ھەدەپێ سەلاحەدین دەمیرتاش، ژ بۆ شارەداریا باژارێ مەزن یا ستەنبۆلێ گەشەدانەک نوو دەرکەت. پارلامەنتەرا دەمێ یا ستەنبۆلێ ئۆزگول ساکی راگھاند کو دەمیرتاش ژ بۆ بەربژێریا شارەداریا باژارێ مەزن یا ستەنبۆلێ سەری ل پارتیێ دایە.

دەمەکە بەحسا بەربژێریا باشاک دەمیرتاش ژ بۆ شارەداریا ستەنبۆلێ ھاتبیە رۆژەڤێ. ل گۆری گەشەدانێن نوو، ھات ئیدیعاکرن کو دەمیرتاش ژ بۆ بەربژێریێ ب فەرمی سەری ل پارتیا دەمێ دایە.

پارلامەنتەرا دەمێ یا ستەنبۆلێ ئۆزگول ساکی تێکلداری مژارێ ژ بۆ Tele1 ئاخڤی و دەستنیشان کر کو باشاک دەمیرتاش ژ بۆ سەرۆکاتیا شارەداریا باژارێ مەزن یا ستەنبۆلێ سەرلێدان کریە. ساکی راگھاند کو باشاک دەمیرتاش ئیرۆ ژ بۆ سەرۆکاتیا شارەداریا باژارێ مەزن یا ستەنبۆلێ سەرلێدانا نامزەدیێ کریە.

ئالیکارێ سەرۆکێ کۆما دەمێ سزای تەمەلی ژی د داخویانیا خوە یا داوی دە گۆت، “سەرلێدانا کاندیدیا بەرێز باشاک دەمیرتاش ژ بۆ مە تشتەکی کەیفخوەشە. ئەم دخوازن ھەر کەس سەری ل ڤێ حەوزێ بدە، لێ ھەلبەت کۆمیسیۆنێن مە و رێڤەبەریا پارتیێ دێ ل سەر ڤێ یەکێ نرخاندنەکی بکە و بریارێ بدە.”