زنجیرا رەڤاندنا زارۆکان ل رۆژئاڤایێ کوردستانێ ژ ئالیێ چەتەیێن ب ناڤێ “جوانێن شۆرەشگەر” یێن سەر ب پەکەکێ ڤە بەردەوام دکە، ھەری داویێ زارۆکەکا 13 سالی ل کۆبانێ رەڤاند.
ژێدەرەکێ ژ مالباتا زارۆکا رەڤاندی یا ب ناڤێ سەمیرا عەلی مۆرێ ژ بۆ مەدیایێ راگھاند کو بەریا 2 رۆژان تەڤگەرا جوانێن شۆرەشگەر یا ب سەر هەسەدێ ڤە کەچا وان سەمیرا یا تەمەن 13 سالی ژ گوندێ وان بەحر جروود ل گوندەوارێ کۆبانێ رەڤاند و بەرەڤ جھەکی نە دیار ڤە برن.
مالباتێ دا زانین کو وان سەرەدانا تەڤایا دام و دەزگەھێن ب سەر رێڤەبەریا پەیەدێ ڤە کرن، و ژ وان رە گۆتن کو کەچا وان سەمیرا ل لەشکەرگەھێن وانە ل باژارێ حەسەکێ یێ رۆژئاڤایێ کوردستانێ.
تەڤی کو مالباتا زارۆکا رەڤاندی بانگا ڤەگەراندنا کەچا خوە سەمیرایێ دکن داکو بەردەوامیێ ب خوەندنا خوە بدە، لێ رێڤەبەریا پەیەدێ ب ڤێ داخوازا وان رازی نابە.
