پارتیا وەلاتپارێزێن کوردستانێ (PWK) ب داخویانیەکا نڤیسکی کۆمکوژیا 1 شباتا 2004 شەرمەزار کر و شەھیدێن وێ کارەساتێ ببیرئانی.
داخویانیا PWK وەھایە:
د 1 شباتا 2004 دە ل ھەولێرێ د دەما پیرۆزباھیا جەژنێ دە ژ ئالیێ ئەنسار ئەل ئیسلامێ ڤە ئێریش پێک ھات و د ئەنجاما ئێریشێ دە زێدەتری 100 کەسان ژیانا خوە ژ دەست دان و 200 کەسێن ژ وان ژی بریندار بووبوون.
رۆژا 1 شباتێ ل ھەولێرێ د ئەنجاما ئێریشێن ل سەر ئاڤاھیێن پەدەکێ و یەنەکێ دە بەرپرسێن بلند یێن ھەر دو پارتییان ژیانا خوە ژ دەست دان و بریندار بووبوون.
ئێریش د دەما پیرۆزباھییێن جەژنێ دە ھاتبوون کرن و د ناڤ کەسێن شەھید کەتنە دە ئەندامێن سەرکردایەتیا پەدەکێ سامی عەبدولرەحمان و سەعد عەبدوللا، ئەندامێ کۆمیتەیا ناڤەندی یا پەدەکێ شەوکەت شێخ یەزدین، پارێزگەرێ ھەولێرێ ئەکرەم مەنتق و ئالیکاری وی و د ھەمان دەمێ دە سەرۆکێ یەکتییا نڤیسکارێن کوردستانێ یێ شاخا ھەولێرێ مەھدی خۆشناو، قایمەقامێ ناڤەندا ھەولێرێ ئەحمەد رۆژبەیانی، رێڤەبەرێ پۆلیسێن ھەولێرێ حەمید نەریمان و بەرپرسێ یەنەکێ یێ ھەولێرێ شاخەوان عابد و گەلەک بەرپرسێن یەنەکێ ژیانا خوە ژ دەست دابوون.
ئەم د 20 سالڤەگەرا کۆمکوژییا 1 شباتێ دە، قاتل و پشتگرێن ڤێ کۆمکوژییێ روورەش دکن، شەھیدێن ڤێ ئێریشێ و ھەموو شەھیدێن کوردستانێ ب گرامی ببیر تینن.
1/2/2024
نڤێسینگەها راگەھاندنێ یا پارتییا وەلاتپارێزێن کوردستانێ (PWK)
