سەرۆکێ حکوومەتا ھەرێما کوردستانێ تاجەگولەک ل سەر مۆنیۆمێنتا شەھیدێن 1 شباتێ دانا.
سبەھا ئیرۆ (پێنجشەمبێ، 1 شباتا 2024) ب ئامادەبوونا سەرۆکێ حکوومەتا ھەرێما کوردستانێ مەسروور بارزانی، مەراسیمێن سالڤەگەرا شەھیدێن 1 شباتێ ل پارکا سامی عەبدولرەحمان ل ھەولێرێ ھاتن دەستپێکرن.
د وان مەراسیمان دە، سەرۆکێ حکوومەتا ھەرێما کوردستانێ مەسروور بارزانی تاجەگولەک ل سەر مۆنیۆمێنتا شەھیدێن 1 شباتا سالا 2004 دانا.
ئیرۆ بیست سال ب سەر کارەساتا 1 شباتا 2004 رە دەرباز دبن، کو ل سبەھا رۆژا یەکێ یا جەژنا قوربانیان، دو تەرۆرستێن خوەکوژ ب شووتکێن بۆمبەکری جودا و د هەمان دەمێ دە چوون ناڤ بنگەھێن لقا دویێ یا پەدەکێ و مەلبەندا سێیێ یا یەنەکێ ل ھەولێرێ و خوە پەقاندن، کو ژ بۆ پیرۆزکرنا جەژنێ مەراسیمێن پێشوازیکرنا وەلاتیان ھاتبوون رێکخستن.
ژ ڤەرێژا وان پەقینان، ل ھەر دو بنگەھێن لقا دویێ یا پەدەکێ و مەلبەندا سێیێ یا یەنەکێ 103 وەلاتی شەھید بوون و 246 وەلاتیێن دی ژی بریندار بوون.
