پارێزگاریا بەدلیسا باکورێ کوردستانێ راگەھاند کو ژ بۆ دەما 4 رۆژان ل تەڤاھیا باژێری ھەموو چالاکی ھاتنە قەدەغەکرن و قەدەغە ھەتا 4 سباتێ دێ بدۆمە.
پارێزگەریا بەدلیسێ راگھاند کو ژ 1 شباتێ دەمژمێر 00:01 ھەتا 4 شباتێ دەمژمێر 23:59 ل تەڤاھیا باژێری لدارخستنا ھەموو چالاکیان ھاتیە قەدەغەکرن.
د وێ داخویانیێ دە بال تێ کێشان کو رێخستنێن نەیاسایی چالاکیێن وەکی داخویانیێن چاپەمەنیێ، مەشێن خوەنیشاندانێ، بەلاڤکرنا بەلاڤۆکان ژ خوە رە ب کار تینن و ژ بۆ کو پێشی ل ھەر ئالۆزیەکێ بهێت گرتن بریارا قەدەغەکرنا چالاکیان ھاتیە ستاندن.
ھەروەسا رۆژا دەرباسبوویی ل پارێزگەریا قەرسێ ژی ژ بۆ ناڤبەرا 31 رێبەندانێ و 4 شباتێ قەدەغەیا ھەموو چالاکیان ھاتبوو راگھاندن.
