دەربارێ ناڤەرۆکا جڤینێ، ئەندامێ سەرکرداتیا یەنەکێ لەتیف نێروەیی راگھاند، مژارێن جڤینا ئیرۆ یا یەنەکێ و پەدەکێ، ئاڤاکرنا رێڤەبەریێن خوەجھی یێن پارێزگەھان ب تایبەت ل کەرکووک و نەینەوایێ، ھلبژارتنێن پارلامەنتۆیا کوردستانێ و رەوشا نھایا رۆژھلاتا ناڤین و ھەرێما کوردستانێ نە.
نێروەیی تەکەز کر: “ئەڤ جڤین د رەوشا نھا دە گرنگە و رەوشا ئەولەھیێ یا ناڤچەیێ داخواز دکە کو یەنەکە و پەدەکە نێزیکی ھەڤ ببن.”
ھەروھا گۆت ژی: “پشتی ھلبژارتنێن ئەنجوومەنێن پارێزگەھێن ئیراقێ، ئەنجوومەنا سەرکرداتیا یەنەکێ بریار دا کو پێشی لگەل پەدەکێ بجڤە. دڤێت ل سەر ئاڤاکرنا حکوومەتێن خوەجھی ب تایبەتی ل کەرکووک و نەینەوایێ لگەل پەدەکێ ئەم ل ھەڤ بکن و پشترە لگەل پارتیێن دن دەست ب گۆتووبێژان بکن.”
