ھێزێن سووریەیا دەمۆکراتیک (ھەسەدە) رادگھینە، 6 شەرڤانێن وان د ئێریشا شەڤا بۆری یا ل سەر کێلگەھا پەرترۆلێ یا ئەل-عۆمەر ل دێرازۆرێ دە، جانێ خوە ژدەست دانە.
ناڤەندا راگھاندنێ یا ھەسەدێ ئیرۆ 5 شباتا 2024 د داخویانیەکێ دە راگھاند، شەڤا بۆری ژ ھەرێمێن د بن کۆنترۆلا چەتەیێن رێژیما سووریەیێ دە، ئێریشەک ب درۆنان ل سەر ئاکادەمیا پەروەردەیێ یا ل کێلگەھا ئەل-عۆمەر یا ل رۆژھلاتێ دێرازۆرێ هاتبوو کرن.
د داخویانیێ دە ھات ئاشکەرەکرن، د ئەنجامێ ئێریشێ دە 6 شەرڤانێن ھەسەدێ جانێ خوە ژ دەست دان.
ناڤەندا راگھاندنێ یا ھەسەدێ ئەڤ ئێریشا تەرۆریستی شەرمەزار دکن و گۆت، ئەو دێ د دەما و جھێ گونجاو دە بەرسڤا چاڤکانیا ئێریشێ بدن.
پێشتر ژی، رێڤەبەرێ رەوانگەھا سووری یا مافێن مرۆڤان رامی عەبدولرەحمان گۆتبوو، گرۆپا ب ناڤێ “بەرخوەدانا ئیسلامی ل ئیراقێ” ئیرۆ 5 شباتێ ب درۆنان ئێرشی کێلگەھا پەترۆلێ یا عۆمەر ل دێرازۆرێ کو بارەگەھەکا مەزن یا ئامریکایێ لێ هەیە هاتیە کرن.
رامی عەبدولرەحمان دابوو زانین ژی، د ئێریشێ دە 5 شەرڤانێن ھێزێن سووریەیا دەمۆکراتیک (ھەسەدێ) ھاتن کوشتن و 20 شەرڤانێن دن ژی بریندار بوونە.
کێلگەھا عۆمەر یا پەترۆلێ ل باشوورێ رۆژھلاتێ دێرازۆرێیە و بارەگەھەکا مەزنا ھەڤپەیمانیا ناڤدەولەتی لێیە و گەلەک جاران ژ ئالیێ میلیشیایێن سەر ب ئیرانێ ڤە راستی ئێریشان ھاتیە.
