ناسنامه‌یا جوانه‌كی دن یێ كورد د ناڤا په‌كه‌كێ ده ئیفشا بوو كو رێخستنێ ل ئیلۆنا سالا رابووری ل زاپێ دایه كوشتن و مرنا وی ل مالباتا وی ڤه‌شارتبوو.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا سێشه‌می 6\2\2024ێ ناسنامه‌یا چه‌كداره‌كی خوه یێ ب ناڤێ عه‌دنان مسته‌فا ئاشكه‌ره كر كو ل 23 ئیلۆنا سالا رابووری 2023ێ ل ده‌ڤه‌را زاپێ یا ل باشوورێ كوردستانێ ب ده‌ستێ ئارتێشا ده‌وله‌تا ترك دا یه كوشتن و ژ نوو ڤه مرنا وی ئیفشا كر.
عه‌دنان ژ بدلیسێ یه، په‌كه‌كێ ئه‌و وه‌كه ب هه‌زاران رێهه‌ڤالێن وی د به‌رخوه‌دانه‌كه ساخته ده فه‌دا كر، به‌رخوه‌دانا كو ت سوودا وێ ژ بۆی كورد و كوردستانێ تونه.
په‌كه‌كه كو مرۆڤ دكاره ناڤێ پارتیا كورد كوژان لێ بكه، ئیرۆ بوویه ماشینه‌یا كوشتنا جوانێن كوردان، ئه‌و هه‌ر رۆژ وێنه‌یێن كۆمێن جوان و زارۆكێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده فه‌دا كری و مرنا وان ل مالباتێن وان ڤه‌شارتی، په‌كه‌كێ د په‌سنێ عه‌دنان ده ژی گۆتیه ئه‌و ژ بۆی ئاپۆ فه‌دا به!.
