هێزێن سووریه‌یا ده‌مۆكراتیك هه‌سه‌دێ ناسنامه‌یا 5 چه‌كدارێن خوه ئاشكه‌ره كر كو ل رۆژێن رابووری كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا بوون.
ناڤه‌ندا چاپه‌یمه‌نیێ یا هه‌سه‌دێ دوهـ رۆژا سێشه‌می 6\2\2024ێ ناسنامه‌یا 5 چه‌كدارێن خوه ئاشكه‌ره كر كو ل رۆژا یه‌كشه‌مییا رابووری ل كێلگه‌ها په‌ترۆلێ یا ئه‌ل ئۆمه‌ر ل سینۆرێ دێرازۆرێ كه‌تبوون به‌ر ئێریشێن ده‌وله‌تا ترك و ژیانا خوه ژ ده‌ست دا بوون.
وه‌زاره‌تا پاراستنێ یا تركیێ ژی رۆژا یه‌كشه‌می 5\2\2024ێ ئاشكه‌ره كربوو كو 11 چەکدارێن په‌كه‌كێ و یه‌په‌گێ د ئامادەکاریا ئێریشەکە ل دژی ئارتێشا ترکیێ دە بوون ل ناڤچەیێن ئۆپەراسیۆنا مەرتالا فرات و چقلێ زەیتوونێ ب ئۆپەراسیۆنەکی هاتنە کوشتن. لێ دەربارێ جیهێ وێ ئۆپەراسیۆن و جورەیێ وێ دە ت داخویانیەک نەهاتیە دایین.
ئارتێشا ده‌وله‌تا ترك و كۆمێن گرێدای وێ ژ داوییا سالا رابووری 2023ان ڤه ئێریشێن خوه یێن ل سه‌ر رۆژئاڤا كوردستانێ دژوار كرنه و ب ده‌هان سازی وه‌ستگه‌هێن په‌ترۆلێ، ئه‌لكتریكێ و سازیێن خزمه‌تكاری وێران كرنه.
