سەرۆکێ حکوومەتا ھەرێما کوردستانێ پێشوازیا وەزیرێ بەرگریێ یێ ترکیێ و شاندا پێ رە دکە، ب ھەڤ رە دانووستاندنان ل سەر چەند ئالیێن جودا جودا دکن.
سەرۆکێ حکوومەتا ھەرێما کوردستانێ مەسروور بارزانی ئیرۆ چارشەمبێ، 7/2/2024 پێشوازیا وەزیرێ بەرگریێ یێ ترکیێ یاشار گولەر و شاندا پێ رە کر، ب ھەڤ رە دانوستاندنان ل سەر چەند ئالیێن جودا جودا دکن.
ل دوو راگەھاندنا حکوومەتا ھەرێما کوردستانێ، د وێ جڤینێ دە دانوستاندن ل سەر رەوشا گشتی یا ئیراقێ و پێشخستنا پەیوەندیێن دوئالی ھاتن کرن. پێخەمەتی ئەولەھی و تەناھیا ھەرێما کوردستانێ و ئیراق و دەڤەرێ، تەکەز ل سەر گرنگیا بەردەوامبوونا ھەڤاھەنگی و ئاریکاریا ھەڤپار ژی ھات کرن.
د وێ راگەھاندنێ دە ھاتیە، “وەزیرێ بەرگریێ یێ ترکیێ ھەڤخەمیا خوە ژ بۆ قوربانیێن ئێریشا ھەولێرێ دیار کر و سەرەخوەشی ل کەسوکارێن قوربانیان کر و ئاماژە دا کو چ بەھانە ژ بۆ وێ ئێریشێ نینن”.
ھەر د وێ جڤینێ دە، مەسروور بارزانی خواستەکا ھەرێما کوردستانێ ژ بۆ بەردەوامکرنا پەیوەندیێن دوئالی ل سەر بنگەھا جیرانتیەکا باش و بەرژەوەندیێن ھەڤپار تەکەز کر”.
ھەر دیسا گۆت، “هەرێما کوردستانێ وەکی ھەر جار دێ فاکتەرەکا ئەولەھی و سەقامگریێ بە و رێیێ نادە کو ژ بۆ جیرانێن خوە ببە سەدەما گەف و مەترسیان.”
گرنگیا بجھانینا لھەڤکرنا شنگالێ و ئاساییکرنا رەوشا دەڤەرێ و ڤەگەراندنا ئاوارەیان ژ بۆ جھێن وان مژارێن تەوەرەکێ دی یێ دانوستاندنێن وان بوون.
