ل مەریوانێ کۆلبەرەکی ژ سەرما دا ژیانا خوە ژ دەست دا

کۆلبەرەکی جوانێ خەلکێ باژارێ مەریوان یا رۆژھلاتێ کوردستانێ د دەما کۆلبەریێ دە ژ سەرما جانێ خوە ژ دەست دا.

دوھی ئێڤاری 6/2/2024 کۆلبەرەکی جوان یێ ب ناڤێ فەرید روبینا یێ خەلکێ گوندێ چالسەر، د دەما کۆلبەریێ یا ل سینۆرێ ھەنجیران یا مەریوانێ ژ بەر سەرمایێ ژیانا خوە ژ دەست دا.

ئیرۆ 7/2/2024 پشتی 7 دەمژمێران لێگەرانا ل وی کۆلبەری، تەرمێ وی ژ ئالیێ خەلکێ ناڤچەیێ ڤە ل زۆزانێن ھەنجیران ھاتە دیتن و ژ بۆ نەخوەشخانەیا مەریوانێ ھاتە ڤەگوھەستن.

ھێژایی گۆتنێیە فەرید روبینا 3 ھەفتیان بەری نھا زەوجی بوو و ژ بۆ دەبارا ژیانا مالباتا خوە کۆلبەری دکر.