ئارتێشا ترکیەیێ 4 گوندێن ناحیەیا شێراوا یا عه‌فرینا رۆژئاڤایێ کوردستانێ تۆپباران کرن.
ل گۆری ئاگاهیێن چاڤکانیێن خوەجهی، ترکیێ شەڤا بۆری گوندێن دێر جەمال، بێنێ، ئاقیبێ و خرێبکێ یێن شێراوایێ تۆپباران کرن.
هەتا نها ل سەر ئەنجامێن ئێرشا ترکیەیێ چ ئاگاهی نەهاتنە بدەستخستن.
بەریا تۆپبارانێ ژی بالافرێن چاڤدێریێ یێن ترکیێ ل ئاسمانێ هەرێمێ دفریان.
6ێ ڤێ مەهێ ژی درۆنەکە ترکیێ ل گوندێ حەربلێ یێ ناڤچەیا شەهبایێ مالەک بۆمبەباران کر و زیانێن مادی گهشتن وێ مالێ.
ترکیێ ب پشتگریا چەکدارێن مخالەفەتا سووریێ 20 کانوونا پاشینا 2018ان ئێرشی عه‌فرینێ کر، شەر و پەڤچوونان 58 رۆژان ده‌وام كر لێ ترکیێ و گرووپێن چەکدار عەفرین داگیر کر.
د ڤان 6 سالان دە ل عه‌فرینێ بنپێکرنێن زێدە مەزنێن وەکی تالانکرن، کوشتن و گوهەرتنا دەمۆگرافیێ ژ ئالیێ گرووپێن چەکدارێن سەر ب ترکیێ ڤە هاتن کرن.
د ئەنجاما ئێرشێن گران و داگیرکرنێ دە ب سەدان هەزار کورد ژ مال و ملکێن خوە دووربوون و کەتن سەر رێ و دربێن کۆچبەریێ.
تەڤی کو نەتەوەیێن یەکبوویی، رێخستنێن پێوەندیدار و ئالیێن سیاسی یێن کوردی ڤێ داگیرکەریێ پرۆتەستۆ دکن ژی داگیرکەری و تاوانێن هۆڤانە یێن ل دژی کوردێن عه‌فرینێ بەردەوام دکن.
