ميتێ ئه‌ندامه‌كێ كۆنسه‌یا هه‌په‌گێ ل گاره‌ی كوشت

ئیستخباراتا تركیێ راگهاند كو وان ئه‌ندامه‌كی كۆنسه‌یا ناڤه‌ندی یا هه‌په‌گێ یێ ب ناڤێ یونس ده‌میر ب ناڤێ كۆد «شڤان گه‌ڤه‌ر» د ئۆپه‌راسیۆنه‌كێ ده‌ ل چیایێ گاره‌ی كوشت.

ئاژانسا ئه‌نادۆلو یا ده‌وله‌تا تركیێ ئیرۆ رۆژا پێنجشه‌می 8/2/2024ێ به‌لاڤكر كو ئیستخباراتا تركیێ میتێ د ئۆپه‌راسیۆنه‌كه‌ تایبه‌ت ده‌ كو ل چیایێ گاره‌ یێ ل باشوورێ كوردستانێ ئه‌نجام دایه‌، ئه‌ندامێ كۆنسه‌یا هه‌په‌گێ یونس ده‌میر ب كودناڤێ شڤان گه‌ڤه‌ر كوشتیه‌.

هه‌ر وها ده‌ستنیشان كر، یونس ده‌میر د لیستا ره‌نگ سۆر یا ده‌وله‌تا تركیێ ده‌ جیهـ دگره‌ و ژ هێلا ئێنته‌رپۆلێ ڤه‌ ژی لێگه‌رین ل وی دهات كرن.

ل گۆر ئه‌نادۆلویێ یونس ده‌میر ژ په‌روه‌رده‌كرنا چه‌كدارێن هه‌په‌گێ به‌پرس بوو و یێك بوو ژ پلانكه‌رێن ئێریشێن دژی هێزێن ئەولەهیێ یێن ترکیێ.