نڤیسگەھا سەرۆکێ حکوومەتا ھەرێما کوردستانێ داخویانیەک ل سەر چاوەشەکاریا ھندەک مالپەر و رووپەلێن تۆرێن جڤاکی بەلاڤ کر کو ھەول دانە نێرین و داخویانیێن سەرۆکوەزیر مەسروور بارزانی د ھەڤپەیڤینا لگەل کەنالا “NBC” دە ب ئالیەکی دن ڤە ببن.
د داخویانیێ دە وھا ھات گۆتن: “ھندەک مالپەر و رووپەلێن مەدیایا جڤاکی یێن ناڤخوە ب بەلاڤکرنا ھندەک داخویانی و شرۆڤەیێن نەگونجاو و دوور ژ راستیا قادا سیاسی و ئەولەکارییا ھەرێمێ، ھەول دانە کو نێرین و داخویانیێن سەرۆکوەزیر د ھەڤپەیڤینا لگەل کەنالا “NBC” دە ب ئالیەکی دن دە ببن.”
د بەشەکە دن یا داخویانیێ دە ھاتیە: “سەرۆکوەزیرێ کوردستانێ تەکەزی ل سەر پاراستنا قەوارەیا دەستووری یا ھەرێما کوردستانێ کریە و بەردەوام ژی دبە د گرتنا ھەموو تەدبیران دە، ژ بۆ دوورخستنا مەترسیێن ل سەر ھەرێما کوردستانێ.”
ھەر د داخویانیێ دە ھات گۆتن: “خوەڤەدزین و خاپاندنا ل ھەمبەر نەحەزان، چ مەترسی و گەفان کێم ناکە، ژ بەر وێ ژی دڤێت ھەر کەس ل ھەمبەر خاک و خەلکێ ھەرێما کوردستانێ د ئاستا بەرپرسیاریێ دە بە.”
