وەکیل و کاندیدێ سەرۆکێ باژارێ ئێلھێ یێ ھودا پارێ سەرکان رامانل ژ بۆ زمانێ کوردی ل ئێلھێ مەشیا. وەکیل و کاندیدێ سەرۆکێ باژارێ ئێلھێ یێ ھودا پارێ سەرکان رامانل ژ بۆ بالێ بکشینە سەر گرینگیا زمانێ زکماکی ل ئێلھێ مەشەک ل دار خست.
رامانل و کەسێن بەشداری مەشێ بوون ب جل و بەرگێن کوردی-نەتەوی مەشیان. مەشێ ژ مزگەفتا شەمسەدین گونەش ھەتا کۆلانا گولیستانێ بەردەوام کر. رامانل و رێڤەبرێن ئێلھێ یێن ھودا پارێ نامیلکەیێن ڤەخواندنا دەرسێن ھلبژارتی یێن ب کوردی ل سەر رێ بەلاڤ کرن.
رامانل د مەشێ دە داخویانیا خوە ب کوردی دا، دیار کر کو کوردی ھەبوونا کوردانە.
رامانل گۆت:
“ئیرۆ زارۆکێن مە زمانێ کوردی نزانن. ئەڤ ژ بۆ مە دایک و بابان شەرمەک مەزنە. بیست سال بەرێ ئەم ئینکار دکرین. ھەبوونا مە قەبوول نەدکرن. ئیرۆ ل دبستانان زمانێ مە ھینی زارۆکێن مە دکن. ئەم ڤان دەرفەتان بکار ناینن، زمانێ مە ھەبوونا مەیە، گارانتیا پێشەرۆژا مەیە. دڤێت ئەو بنڤیسن، کارێ مە نە تەنێ کارێ پارتیێ یە، نە تەنێ ئەم، دڤێت پارتیێن دن ژی ئەرکێن خوە پێک بینن، ئیرۆ ئەڤ دەرفەت ھەیە، تەرجیحێن خوە ب کوردی بکن دا کو زارۆکێن مە ب زمانێ خوە ژیانا خوە بدۆمینن. زمان تونەبە ناسنامە ژی تونە. زمان تونەبە پێشەرۆژ ژی تونە”.
