چەکدارێن تەڤگەرا جوانێن شۆرەشگەر یێن سەر ب هەسەدێ-پەکەکێ ڤە گەفا گرتنێ ل مالباتەکێ دکن کو وان ب خوە زارۆکەکا وان رەڤاندیە.
وەکە نەرازیبوون ل سەر رەڤاندنا زارۆکا وان یا ب ناڤێ لاڤا عەبدولخالق خەلەف، کو ژ بەریا 20 رۆژان ڤە ژ ئالیێ چەتەیێن سەر ب پەکەکێ ڤە یێن ب ناڤێ “جوانێن شۆرەشگەر” ڤە ھاتیە رەڤاندن، ژمارەیێک کەس و کارێن زارۆکا رەڤاندی مانگرتنەک ل پێشیا بارەگەھا تەڤگەرا جوانێن شۆرەشگەر ل باژارێ قامشلۆ یێ رۆژئاڤایێ کوردستانێ ل دار خستن.
پشتی لدارخستنس مانگرتنێ، چەکدارێن تەڤگەرێ گەفا گرتنێ ل مالباتا زارۆکا رەڤاندی کر.
رۆژا 18 چلەیا 2024 زارۆکا 13 سالی یا ب ناڤێ لاڤا عەبدولخالق خەلەف یا تەمەن 13 سالی ژ ئالیێ جەتەیێن ب ناڤێ “جوانێن شۆرەشگەر” یێن سەر ب هەسەدێ-پەکەکێ ڤە ل پێشیا مالا خوە ل باژارێ قامشلۆ یێ رۆژئاڤایێ کوردستانێ ھاتە رەڤاندن و تا نھا چارەنڤیسا وێ نە دیارە.
