ل ژێر کریارێن نە مرۆڤی دەرحەقێ سروشتی دە ل عەفرینا رۆژئاڤایێ کوردستانێ، دیاردەیا بڕینا دارێن زەیتوونان یێن وەلاتیێن کورد ژ ئالیێ گرۆپێن چەکدار ڤە بەردەوامە، ھەری داوی ب سەدان دار ژ کۆکێ ڤە ھاتنە برین.
رەوانگەھا سووری یا مافێن مرۆڤان راگھاند کو ل گوندێ بێلێ یێ سەر ب ناڤچەیا بلبلیێ ڤە چەکدارین ئەلھەمزە 600 دارێن بەرهەمدار بڕین.
رەوانگەھێ تەکەز کر کو ھەمان چەکداران 18 دارێن زەیتوونان ل گوندێ قژووما یێ سەر ب ناڤچەیا جندێرسێ، 35 دارێن ل سەر رێیا ناڤبەرا کۆکەبێ و تلفێ ل گوندەوارێ جندێرسێ، و 46 دار ژی ل ناڤچەیا شەرا و گوندێ مەتینا ل گوندەوارێ عەفرینێ بڕین.
ل گۆر زانیاریان ئەڤ کۆما چەکدار ب ئارمانجا بازرگانیێ، داران دبڕن و رادکن، بهایێ یەک تەنا دارێن زەیتوونان دگھێژە 150 دۆلاران و دارێن کاژان ب 100 دۆلاران تێن فرۆتن.
