6 كادرویێن په‌كه‌كێ كوشتنا وان ل مه‌تینی ڤه‌شارتی، ئاشكه‌ره بوون
ناسنامه‌یا 6 كادرۆ و چه‌كدارێن په‌كه‌كێ یێن كو ل ڤێ داویێ ل چیایێ مه‌تینی هاتینه كوشتن و رێخستنێ مرنا وان ڤه‌شارتی ئاشكه‌ره بوو.
داركا مازی ژ چاڤكانیێن خوه یێن تایبه‌ت هین بوو كو د نێڤبه‌را مه‌ها 8 و 11 یێن سالا رابووری 2023ان، 6 ئامر و چه‌كدارێن په‌كه‌كێ چه‌ند مه‌هان به‌رێ ل چیایێ مه‌تینی یێ ل باشوورێ كوردستانێ ب ده‌ستێ ئارتێشا ده‌وله‌تا ترك هاتنه كوشتن و ته‌ڤی ده‌رباسبوونا ده‌مه‌ك درێژ هێژان په‌كه‌كێ ناسنامه‌یا وان ئیلان نه‌كریه و مرنا وان ڤه‌شارتی هشتی یه.
داركا مازی كاری ناسنامه و ئاگاهیێن تام ده‌ربارێ وان 6 كادرۆیێن په‌كه‌كێ ده‌ست بخه، ناڤێن وان وسایه:
مه‌سكه‌ن نسێبین / ئامر بۆلگایا ده‌ڤه‌را گارزانێ، ل مه‌ها 8 یا 2023ێ ل نێزی گوندێ بازێ یێ ده‌ڤه‌را به‌رواری بالا هاتیه كوشتن.
كه‌ریم باكور/ ئامر حه‌زیر، ل مه‌ها 8 یا 2023ێ ل گرێ ناڤین ل ده‌ڤه‌را مه‌تینی هاتیه كوشتن.
ده‌لیل عه‌ره‌ب / شه‌رڤان، ل مه‌ها 8 یا 2023ێ ل گرێ ناڤین ل ده‌ڤه‌را مه‌تینی هاتیه كوشتن.
كه‌ندار دربێسی / شه‌رڤان، ل مه‌ها 8 یا 2023ێ ل گوندێ خانكێ یێ ده‌ڤه‌را مه‌تینی هاتیه كوشتن.
عه‌گید كۆبانی / شه‌رڤان، ل مه‌ها 10 یا 2023ێ ل گرێ ناڤین ل ده‌ڤه‌را مه‌تینی هاتیه كوشتن.
وه‌لات ئامه‌د / پسپۆر د وارێ ته‌قه‌مه‌نیان ده، ل مه‌ها 11 یا 2023ێ ل سه‌رێ مه‌تینی هاتیه كوشتن.
رێخستنا په‌كه‌كێ كوشتنا ب سه‌دان چه‌كدار و فه‌رماندارێن خوه ڤه‌شارتی هشتیه، تایبه‌ت چه‌كدارێن كو د ڤان 5 سالێن داوین ده كه‌تینه به‌ر ئێریشێن ده‌وله‌تا ترك، داركا مازی هه‌ر ل نێڤبه‌را چه‌ند رۆژان وێنه‌یێن هنه‌ك ژ وان چه‌كدارێن مرنا وان ڤه‌شارتی پارڤه‌دكه.
