ھێزێن سووریەیا دەمۆکراتیک (ھەسەدێ) کوشتنا 6 شەرڤانێن خوە د ئێرشێن رێژیما سووریەیێ دە ل گوندەوارێن دێرازۆرێ و منبجێ ئاشکەرا کرن.
ناڤەندا راگھاندنێ یا ھەسەدێ د داخویانیەکێ دە راگھاند، 5 شەرڤانێن وێ رۆژا ئینێ 10 شباتێ د ئێرشێن ھێزێن حکوومەتا شامێ دە ل گوندەوارێن دێرازۆرێ و منبجێ ھاتن کوشتن.
ل گۆری داخویانیا ناڤەندا راگھاندنێ یا ھەسەدێ، شەرڤانەکی دن ژی رۆژا 10 شباتێ ل منبجێ د ئێرشێن ئارتێشا ترکیەیێ دە ھاتیە کوشتن.
ھەسەدە د داخویانیا خوە دە ئاماژە ب وێ یەکێ دکە، ئێرشێن رەژیمێ و ھێزێن سەر ب وێ بوون سەدەما کوشتنا گەلەک شەرڤانێن ھەسەدێ، ئەڤ ئێریش ژی بێ بەرسڤ نامینن.
ناڤەندا راگھاندنێ یا ھەسەدێ رۆژا 5 شباتێ ژی ئاشکەرە کربوو، د ئێریشەکا ب درۆنان دە ل سەر ئاکادەمیا پەروەردەیێ یا ل کێلگەھا ئەل-عۆمەرا ل رۆژھلاتێ دێرازۆرێ دە ژی 6 شەرڤانێن ھەسەدێ جانێ خوە ژ دەست دابوون.
