سەرۆکێ حکوومەتا هەرێما کوردستانێ مەسروور بارزانی ئیرۆ ل باژارێ دوبه‌ی، سەردانا هەڤژین و زارۆکێن بریندار یێن شەهید پێشرەو دزەیی کر کو د بوویەرا ئێریشێن مووشەکی یا هەولێرێ دە بریندار ببوون.
سەرۆکێ حکوومەتا هەرێما کوردستانێ، د نێزیک دە رەوشا تەندروستیا وێ مالباتێ پرس کر و هێڤیا باشبوونەکە لەزگین ژ بۆی وان خوەست.
رۆژا (دوشەم، 15.1.2024) ئارتێشا پاسدارێن ئیرانێ ب چەند مۆشەکێن بالستی چەند دەڤەرێن سڤیلێن هەولێرێ مۆشەکباران کرن، پێنج وەلاتیێن سڤیل شەهید بوونە و 17 وەلاتیێن دن ژی برینداربوون.
5 ژ ڤان مۆشەکێن بالیستیک مالا کارسازێ کورد پێشرەو دزەیی هەدەف گرت و پێشرەو دزەیی و کەچا وی ژینه كو ته‌مه‌نێ وێ هێژان نه‌بوو ساله‌ك شه‌هید بوون.
