ل عەفرینێ 3 وەلاتیێن کورد ژ ئالیێ چەکداران ڤە ھاتن رەڤاندن

ل عەفرینا رۆژئاڤایێ کوردستانێ رەڤاندن و گرتنا وەلاتیێن کورد ژ ئالیێ گرۆپێن چەکدار ڤە بەردەوامە، ھەری داوی چەکداران ب تۆمەتا تێکلیێن وان یێن بەرێ لگەل رەڤەبەریا پەیەدێ دە 3 وەلاتی گرتن.

چەکدارێن پۆلیسێن لەشکەری رۆژا 3 شباتا 2024 سێ وەلاتیێن کورد ژ گوند و ناڤچەیێن سەر ب عەفرینێ ڤە گرتن.

 ل گۆری زانیاریان ناڤێن کەسێن ژ ئالیێ پۆلیسێن لەشکەری ڤە ھاتنە گرن ئەڤەنە:

1- حەسەن شێخۆ شێخۆ ژ گوندێ دۆدۆ یێ سەر ب ناڤچەیا راجۆ ڤەیە، و نیشتەجیێ باژارێ عەفرینێ یە.

2- ئەحمەد موحەمەد کەھرەبچی یێ تەمەن 45 سالی ژ گوندێ شیتانا یێ سەر ب ناڤچەیا ماباتایە، و نیشتەجیێ باژارێ عەفرینێ یە.

3- موستەفا ئەحمەد کەھرەبچی ژ گوندێ شیتانایە.

هەر وەها چەکدارێن سیخوریا ئەولەھیا سیاسی یێن ل عەفرینێ دمینن رۆژا 27 چلەیا 2024 جوانێ ب ناڤێ خالد موحەمەد وەقاس ژ گوندێ بریمجە یێ ب سەر ناڤچەیا ماباتێ ڤە گرتن، و تا نھا چارەنڤیسا وی نە دیارە.

ھەر وەھا پۆلیسێن لەشکەری ژی ل باژارێ عەفرینێ رۆژا 7 شباتا 2024 وەلاتیێ کورد یێ ب ناڤێ زوھێر حەنان ژ گوندێ کەفرزێتێ گرتن و ھەتا نھا چارەنڤیسا وی ژی نە دیارە.