ترکیەیێ گوندێ بێنێ یێ ناحیەیا شێراوا یا عه‌فرینا رۆژئاڤایێ کوردستانێ تۆپباران کر، د ڤێ تۆپبارانێ دە دو وه‌لاتیێن كورد ژیانا خوه ژ ده‌ست دان.
رێخستنا مافێن مرۆڤان یا عه‌فرین-سووریێ راگهاند کو ترکیەیێ ئێڤارا دوشەمێ گوندێ بێنێ تۆپباران کربوو و بێهتر ژ 10 تۆپان ل گوندێ بێنێ دانه.
ب سه‌ده‌ما ڤێ تۆپبارانێ، وه‌لاتیه‌كێ ب ناڤێ جوان عززەت ئه‌سوه‌د ژیانا خوه ژ ده‌ست دا، جوان 36 سالی بوو و بابێ 5 زارۆکان بوو.
ل گۆری رێخستنا مافێن مرۆڤان، وه‌لاتیێ ب ناڤێ عه‌دنان ئیسۆ کتۆ ژی كو ژیێ وی 39 سالن بریندارە و برینێن وی گرانن.
رێخستنا مافێن مرۆڤان یا عه‌فرینێ ئاشكه‌ره كر، هه‌ر د ڤێ تۆپبارانێ ده لەشکەرەکی سووریەیێ ژی هات کوشتن.
