کۆنسولخانەیا گشتی یا ئامەریکایێ ل هەولێرێ جارەکا دی دلخوەشیا خوە ژ بۆ کێمبوونا رێژەیا بنپێکرنێن ئازادیا راگەهاندنێ ل هەرێما کوردستانێ دیار دکە.
کۆنسولخانەیا گشتی یا ئامەریکایێ ل هەولێرێ تەڤلی مەراسیمێن بەلاڤکرنا راپۆرتا سالانە یا رێکخستنا پەیامنێران یا مافان و پێشکەفتنێ بوو و ئەشکەرە کر کو، پێشوازیا کێمبوونا رێژەیا بنپێکرنا ئازادیا راگەهاندنێ ل هەرێما کوردستانێ دکە.
کۆنسولخانەیا گشتی یا ئامەریکایێ ل هەولێرێ ئیرۆ چارشەمیێ، 14\02\2024 ل سەر تۆرا جڤاکی یا فه‌یسبووكێ راگەهاند، «ئامەریکا ل سەر کارکرنا ب هەڤپارێن خوەجهی و ناڤدەولەتی رە ژ بۆ پێشخستنا ئازادیا راگەهاندنێ و راگەهاندنەکا پیشەییتر پابەندە. دڤێ رۆژنامەڤان بێ ترس، ئالیگری و جوداهی بکارن ب رەنگەکێ ئازاد کارێ خوە بکن».
ئەڤ جارا دویێ یە د ڤێ هەفتیێ دە کو کۆنسولخانەیا گشتی یا ئامەریکایێ ل هەولێرێ ڤێ پەیاما دلخوەشیا خوە ژ بۆ کێمبوونا رێژەیا بنپێکرنێن ئازادیا راگەهاندنێ ل هەرێما کوردستانێ دیار دکە و رادگەهینە کو، پشتەڤانیا ژینگەهەکێ دکە کو تێ دە رۆژنامەڤان ب رەنگەکێ ئازاد کارێ خوە بکن.
