گرۆپێن چەکدارێن ئۆپۆزیسیۆنا سووریێ یێن لگەل ئارتێشا ترکیێ ھەرێما عەفرینێ داگیر کرنە، 2 وەلاتیێن کورد ژ ناڤچەیا راجۆیا عەفرینێ رەڤاندن.
رەوانگەھا سووری یا مافێ مرۆڤان بەلاڤ کر، گرۆپا ب ناڤێ “پۆلیسێن سڤیل” 2 کەس ژ گوندێ گۆلیا ژێرنا ل ناڤچەیا راجۆیا عەفرینێ رەڤاندن و چارەنڤیسا وان نە دیارە.
رەوانگەھێ دا زانین، ئەو ھەر دو کورد ژ ستاندنا فدیێ ژ وان، ب تۆھمەتا پێوەندیا ب رێڤەبەریا خوەسەر رە ھاتنە رەڤاندن.
ھەرێما عەفرینێ ژ ئادارا 2018 ڤە ژ ئالیێ ئارتێشا ترکیێ و گرۆپێن چەکدارێن سەر ب وێ ڤە ھاتیە داگیرکرن و ھەتا نھا زێدەتر ژ 9 ھەزار کەس ھاتنە رەڤاندن کو چارەنڤیسا ھەژمارەکا مەزن ژ وان نایێ زانین.
ل گۆر چالاکڤانێن عەفرینێ، گرۆپێن چەکداران ب ئارمانجا کو کوردێن عەفرینێ نەچار ببن دەست ژ جھ و وارێ خوە بەردن و کۆچبەر ببن، وەلاتیان درەڤینن و ئەشکەنجە ددن، پەرە، فدیە و باجان ژ وان دستینن.
