چاپەمەنیا ترکیێ راگەهاند، سازیا ئیستخبارات میلی یا ترکیێ (میت)، یەک ژ بەرپرسێن په‌كه‌كێ/پاژکێ یا ب ناڤێ «فاتما ساکانا» یا ب ناڤێ كۆد وەک «سۆرخوین رۆژهلات» تێ ناسکرن ل باژارێ قامشلۆ یێ رۆژئاڤایێ کوردستانێ ب ئۆپەراسیۆنەکی كوشتیه.
ئاژانسا ئانادۆلو یا زمانێ فەرمی یا ترکیێ نووچەیا خوە سپارتە چاڤکانیێ ئەولەهیێ و راگەهاند، فاتما ساکانا سالا 2006ێ ژ رۆژهلاتێ کوردستانێ ته‌ڤلی په‌كه‌كێ بوویە و سالێن 2010 و 2012ێ ل شرنەخا باکورێ کوردستانێ د خەباتێن چەکداری دە بەشدار بوویە.
هەر وها ل گۆر هەمان چاڤکانیێ فاتما ساکانا یەک ژ بەرپرسێن چالاکیا 2/09/2012ێ یا ل ناڤچەیا ئەلکا سەر ب شرنەخێ بوویە، کو 10 لەشکەرێن ترکیێ د وێ ئێریشێ دە هاتبوون کوشتن. هات راگەهاندن پشترە ل رۆژئاڤا و باشوورێ کوردستانێ یەک ژ بەرپرسێن رێخستنێ بوویە.
ل گۆر ئاژانسا ئانادۆلو فاتما ساکانا ل باژارێ قامشلۆ یێ رۆژئاڤایێ کوردستانێ د ئۆپەراسیۆنەکە نۆقتەیی یا میتێ ڤە بوویە ئارمانج و ژیانا خوە ژ دەست دایە.
