سەرۆک بارزانی 71 سالیا دامەزراندنا یەکیتیا خوەندەکارێن دەمۆکراتێن کوردستانێ و یەکیتیا لاوێن دەمۆکراتێن کوردستانێ پیرۆز کر و گۆت: “پێویستە ھەر دو رێخستن د ڤێ قۆنغێ دە د ئاستا ھێڤیێن جڤاکێ و دۆزا رەوایا گەلێ خوە دە بن.”
سەرۆک مەسعوود بارزانی ئیرۆ 18 شباتێ پەیامەک بەلاڤ کر و تێ دە گۆت: “ب بۆنەیا 71 سالیا دامەزراندنا یەکیتیا خوەندەکارێن کوردستانێ و یەکیتیا لاوێن دەمۆکراتێن کوردستانێ، گەرمترین پیرۆزباھیێن خوە پێشکێشی جوان و خوەندەکارێن کوردستانێ دکم و ھێڤیا سەرکەفتن و بەردەوامیێ ژ بۆ وان دخوازم.”
سەرۆک بارزانی دبێژە: “خوەندەڤان و جوانێن کوردستانێ ژ دەستپێکا شۆرەشا ئیلۆنێ ڤە ھەتا نھا بوونە ناڤەندا پەروەردەکرنا کورێن دلسۆز، تێکۆشەر و رێبەرێن ژێھاتی و ھەرتم ئەنەرژییەک نوو دانە تەڤگەرا رزگاریخوازا کوردستانێ و د ڤێ رێیێ دە قوربانی دانە.”
ئاماژە ب وێ ژی کر: “ھەم یەکیتیا خوەندەکاران و ھەم ژی یەکیتیا لاوێن دەمۆکراتێن کوردستانێ پێویستە د ئاستا ھێڤیێن جڤاکێ و دۆزا رەوایا گەلێ خوە دە بن. خوەندەڤان و جوان ھەر تم ھێڤیا گەلێ کوردن و پێویستە د خەبات و تێکۆشینا خوە دە، پابەندی نرخێن بلندێن رێبازا کوردایەتی و نشتمانپەروەریێ بن و ب چەکێن زانست و ھشیاریێ خزمەتا ئارمانجێن بلندێن گەلێ کوردستانێ و پێگەھاندنا جوان و لاوێن ھشیار و بخوەباوەر بکن.”
