رێخستنا په‌كه‌كێ ئیرۆ ئاماره‌كه ده‌ره‌و پارڤه‌كریه، ل گۆری وێ ئۆپه‌راسیۆنه‌ك ل زاپێ پێكئانیه و 37 له‌شكه‌ر ل ور كوشتنه، ل همبه‌ری ڤی چه‌كداره‌كی رێخستنێ هاتیه كوشتن.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا یه‌كشه‌می 18/2/2024ێ داخویانیه‌ك پارڤه‌كر و ئاماره‌كه ده‌ره‌و یا شه‌ر خستیه تێ ده و ل گۆری وێ چه‌كدارێن په‌كه‌كێ د 24 ساعه‌تێن رابووری ده 37 له‌شكه‌رێن ترك ل زاپێ كوشتنه!.
هه‌په‌گێ گۆتیه: د ڤی شه‌ری ده ته‌نێ چه‌كداره‌كی وان هاتیه كوشتن.
ئه‌ڤ یێك د ده‌مه‌كی ده یه، دوهـ رۆژا شه‌می ت شه‌ره‌ك ل زاپێ ل نێڤبه‌را په‌كه‌كێ و ئارتێشا ترك ده چێنه‌بوویه، تشتا قه‌ومی ئه‌ڤه كو په‌كه‌كه ئه‌ڤ هه‌فته‌یه‌كه مه‌دیایا خوه ده ئۆپه‌راسیۆنان ئه‌نجام دده و ب ده‌هان له‌شكه‌ران د مه‌دیایێ ده دكوژه.
ده‌وله‌تا ترك و په‌كه‌كه ل داوییا هه‌ر مه‌هه‌كێ ئامارا زرارێن هه‌ڤ رادگهینن، هه‌ر یێك دبێژه مه ئه‌وقاس كوشتنه، لێ هه‌ردو ئالی راست نابێژن و ڤێ وه‌كه شه‌ره‌كێ تایبه‌ت ل دژی هه‌ڤ دمه‌شینن.
شه‌ر ل نێڤبه‌را په‌كه‌كێ و ئارتێشا ترك ده تونه، تشتا كو ل باشوورێ كوردستانێ پێك تێ ئه‌ڤه كو په‌كه‌كه هنه‌ك چالاكیێن شه‌رمینۆك ئه‌نجام دده یه‌ك دو جوانێن كوردان فه‌دا دكه، یان عه‌سكه‌ره‌كی ترك دكوژه، ب ڤی رێكێ په‌كه‌كه هنجه‌تێ دده ده‌وله‌تا ترك كو ئۆپه‌راسیۆنان پێكبینه ژ بۆ كو په‌كه‌كه هنه‌ك هه‌رێمێ نوو ب ده‌ست وان ڤه به‌رده.
رێخستنا په‌كه‌كێ ژ بۆی ڤه‌شارتنا ڤێ ئالیكارییا خوه یا كو ژ تركیێ ره دكه، هه‌ر رۆژ د مه‌دیایا خوه ده دبێژه ئه‌م شه‌ره‌كی گران د مه‌شینن و مه ئه‌وقاس داگیركه‌ر جه‌زا كرن، ئه‌ڤ ژی ته‌نێ ژ بۆی خاپاندنا گه‌لێ كورده تێ كرن.
