سەرۆکاتیا هەرێما کوردستانێ بەلاڤ کریە، پشتی تەڤلیبوونا سێرۆژی د کۆنفرانسا ئەولەهیێ یا میۆنشنێ دە و جڤینێن ب بەرپرس و سەرکردەیێن وەلاتان رە، کارنامەیا سەرۆکێ هەرێما کوردستانێ نێچیرڤان بارزانی ل کۆنفرانسا ئەولەهیێ یا میۆنشنێ بداوی هات.
نێچیرڤان بارزانی ب سەرکردە و بەرپرسێن بلندێن وەلاتان رە ل سەر رەوشا ئەولەهی و سیاسی یا ئیراق و هەرێما کوردستانێ، ئالۆزیێن رۆژهلاتا ناڤین، گەف و ئاستەنگێن د رێیا ئەولەهی و سەقامگریێ دە ل دەڤەرێ و جیهانێ، هەروەسا ل سەر پێشخستنا پەیوەندیان و ئالیکاریێن هەڤپار د وارێ ئەنەرژیێ و ئەولەهیا ئەنەرژیێ و باندۆرێن گوهەرتنا سەقایی دە، دانوستاندن کرن و نەرینا هەرێما کوردستانێ د وی واری دە بەرچاڤ کر.
پشتی نیڤرۆیا رۆژا پێنجشەمێ، 15/02/2024، سەرۆکێ هەرێما کوردستانێ نێچیرڤان بارزانی ب مەرەما تەڤلیبوونا د کۆنفرانسا ئەولەهیێ یا میۆنشنێ دە سەردانا ئالمانیایێ کربوو.
