دو کۆلبەرێن ب ناڤێن جەلال رەحمانی و ئاکۆ (پاشناڤێ وی نەدیارە) ب تەقەیا راستەراستا هێزێن سینۆری (هەنگێ مەرزی) ل سەر سینۆرێ “هەنگەژالە”یێ سەر ب بانێ و سەلمان ئەمیری ژ بەر کەڤتن ژ بلنداهیێ ڤە ل نەوسوودێ ب دژواری هاتنە بریندارکرن.
سازیا مافێ مرۆڤی یا هەنگاوێ دیار كر، رۆژا یەکشەمی 18ێ شباتا 2024ان، هێزێن سینۆری ل سەر سینۆرێ هەنگەژالەیێ گرێدایی بانێ، جەلال رەحمانی یێ خەلکێ باژارێ بۆکانێ و ئاکۆ (پاشناڤێ وی نەدیارە) بنچاڤ کرنە و پشتی ئیشکەنجەکرن و لێدان و کوتانێ، ژ پشت ڤە تەقە ل وان کرنە کو د ئەنجامێ دە ئەڤ دو کۆلبەر ژ ئالیێ سەر، پۆز و لنگێن خوە ڤە ب گرانی هاتنە بریندارکرن.
هەروها رۆژا ئینێ 16ێ شباتێ، سەلمان ئەمیری یێ کۆلبەرێ خەلکێ مەریوانێ ژ بەر کەڤتن ژ بلنداهیێن سینۆرێ نەوسوودێ ڤە ب دژواری بریندار بوویە.
ل گۆری گۆتنا چاڤکانیەکە ئاگەهدار، ئەڤ کۆلبەرێ هانێ کو ناڤتەنگا وی شکەستیە و ژ بەر دژواربوونا رەوشا تەندروستیا ناڤبری ژ نەخوەشخانەیا پاوێ بۆ نەخوەشخانەیا تالقانی یا کرماشانێ هاتیە ڤەگوهەستن.
