ل باژارێ وانێ دەما لەشکرێن سوار دەست پێ کر. یەکینەیێن سوار یێن گرێدایی فەرمانداریا جەندرمەیێن وانێ نە، ئێدی دێ قادێن ل پشت سینۆر د بن کۆنترۆلێ دە بھێلن و دێ خەباتێن کۆنترۆل و چاڤدێریا سینۆری ب ھەسپان بکن.
د داخویانیا والیتیا وانێ دە ھات دیارکرن کو تیمێن فەرمانداریا جەندرمەیێن پارێزگەھا وانێ ژ بۆ رێلبەرگرتنا بوویەرێن قاچاخچیتیا کو زرارێن مادی و مەعنەوی چێدکن، بێ ناڤبەر دێ خەباتێن خوە بدۆمینن.
د داخویانیێ دە ھات گۆتن کو “ل ناڤچەیێن ئۆزالپ، سارای و چالدیرانێ یێن نێزی خەتا سینۆر، تیمێن کۆماندۆ یێن فەرمانداریا جەندرمەیێن پارێزگەھا وانێ و سوارێن ھەسپان ژ بۆ رێلبەرگرتنا ھەر جوورە خەباتێن قاچاخچیتیێ ل سەر کارن. ژ بۆ رێلبەرگرتنا قاچاخچیتیا وەک تریاک، ئالکۆل، سۆتەمەنی، بەرھەمێن تووتن، دەرمان و قاچاخچیتیا کۆچبەران، یەکینەیێن سوار یێن جەندرمەیان ل پشت سینۆری خەباتێن دەوریێ ل دار دخن و تەڤاھیا رۆژێ ب تەدبیرێن بلند ھەرێمێ د بن کۆنترۆلا خوە دە دھێلن”.
