پارتیا سۆسیالیستا کوردستانێ (PSK) ئێرشا ترکیەیێ یا ل دهۆکێ شەرمەزار کر كو دو سڤیل تێ ده شه‌هید كه‌تن و دو ژی بریندار بوون.
بالافرێن ده‌وله‌تا ترک ئێڤارا سێشەمێ 20\2\2024ێ گوندێ کافیا یێ ناحیه‌یا دینارتەیێ یا قه‌زایا ئاكرێ بۆمبەباران کر، د ڤێ بۆمبەبارانێ دە ژی 2 سڤیلان جانێ خوە ژ دەست دا و دو بریندار بوون.
پارتیا سۆسیالیستا کوردستانێ (PSK) ل سەر ڤێ ئێرشێ داخویانیەک دا و گۆت: «ئەم قەتلکرنا کوردێن سڤیل شەرمەزار دکن».
پارتیا سۆسیالیستا کوردستانێ (PSK) د داخویانیا خوە دە گۆت: «ل گوندێ کافیا یێ دهۆکێ دو گوندیێن سڤیل یێن ب ناڤێ عارف تاها و بەشیر عۆمەر ژ ئالیێ بالافرێن شەر یێن ترکیێ ڤە هاتن قەتلکرن، ئەم ڤێ ئێرش و کریارا دژمنانە ب تووندی شەرمەزار دکن.
ترکیە ب سالانە کو ب هنجەتا په‌كه‌كێ گەلەک دەڤەرێن باشورێ کوردستانێ بۆمبەباران دکە و دبە سەدەمێ کوشتنا خەلکێ سڤیل و زیانێ ددە ژیانا هەرێمێ.
دڤێ ترکیە دەڤ ژ ڤان ئێرشان بەردە و حکوومەتا هەرێما کوردستانێ و بەغدایێ رێ نەدن کو ئەڤ قەتلعامێن ب ڤی ئاوایی بدۆمن».
