چاپەمەنیا ترکیێ راگەهاند، سازیا ئیستخباراتا میلی یا ترکیێ (میت)ێ ل قامشلۆ یا رۆژئاڤایێ کوردستانێ ئۆپەراسیۆنەکە نۆقتەیی پێکانیە و یەک ژ بەرپرسێن په‌كه‌كێ/یه‌په‌گێ ب ناڤێ مورات ئاتەش کو وەک رێناس ئامەد تێ ناسکرن د وێ ئۆپەراسیۆنێ دە هاتیە کوشتن.
ل گۆر نووچەیا ئاژانسا ئانادۆلو یا زمانێ فەرمی یێ دەولەتا ترکیێ یە و نووچە سپارتیە چاڤکانیێن ئەولەهیێ، پشتی دەمەک چاڤدێریا مورات ئاتەش یێ وەک رێناس ئامەد تێ ناسکرن ب رێیا تیمێن تایبەت ڤە هاتیە کرن، ل باژارێ قامشلۆ یێ رۆژئاڤایێ کوردستانێ ب ئۆپەراسیۆنەکە نۆقتەیی یا ژ ئالیێ میتێ ڤە هاتیە برێڤەبرن، ئەو بەرپرسێ په‌كه‌كێ هاتیە ژکارخستن.
ل گۆر هەمان چاڤکانیێ مورات ئاتەش سالا 2014ێ دە ژ ئەوروپایێ بەشداری په‌كه‌كێ بوویە و د ناڤبەرا سالێن 2014 هەتا 2016ێ ل قادێن قەندیل، ئاڤاشین و گارە دمینە و ل رۆژئاڤایێ کوردستانێ خەباتێن چەکداری برێڤە دبە.
هەروه‌ها هات راگەهاندن مورات ئاتەش ئانگۆ رێناس ئامەد یەک ژ کەسێن کو ترافیکا پارەیێ نەیاسایی یێ رێخستنێ برێڤە دبربوو و د ئۆپەراسیۆنا نۆقتەیی یا میتێ دە ژیانا خوە ژ دەست دایە.
