سەرۆکوەزیر مەسروور بارزانی فەرمانا بلەزکرنا پرۆسەیا ب قەزاکرنا خورمال و ڤەکرنا کۆلیژا بزیشکی ل هەلەبجەیێ دا.
سەرۆکوەزیرێ هەرێما کوردستانێ مەسروور بارزانی ئیرۆ 22ێ سباتێ ب سازیێن ئیداری یێن پارێزگەها هەلەبجە رە جڤیا و گۆت: «ئەز هاتمە گوهداریا وە بکم. ئەم چ بکن و چاوا خزمەتا هەلەبجەیێ بکن؟».
بەردەڤکێ حکوومەتا هەرێما کوردستانێ پێشەوا هەورامی راگهاند، سەرۆکوەزیر مەسروور بارزانی د بەرژەوەندیا خەلکێ هەلەبجەیێ دە چەند بریار دانە و د ناڤا وان دە ژی:
1- ل هەلەبجە کۆلیژا بزیشکی تێ ڤەکرن.
2- هەلەبجە دێ ببە خوەدی ستاتویەکە تایبەت و بەشەک ژ داهاتا دەریێن سینۆر دێ ژ بۆ پرۆژەیێن باژێر وەرە ڤەقەتاندن.
3- پرۆسەیا ب قەزاکرنا خورمالێ دێ بلەزتر ببە و رێکارێن ئیداری دێ بێن جیبجیکرن.
سەرۆکوەزیر مەسروور بارزانی هەر ئیرۆ ژی سەردانا رێڤەبەریا گشتی یا هاتنووچوونێ یا پارێزگەها هەلەبجەیێ کربوو و یەکەم پلاکەیا ئۆتۆمۆبیلان یا هەلەبجەیێ دەرخستبوو.
سەرۆکوەزیر مەسروور ل هەلەبجەیێ د یەکەم وەستگەها خوە دە، سەردانا بیردارییا شەهیدێن هەلەبجە کربوو و دەستەگول ل بەر سەمبۆلا شەهیدان دانیبوو.
