رێخستنا په‌كه‌كێ ناسنامه‌یا 4 چه‌كدارێن خوه یێن دن ئیفشا كر كو ئه‌و ژی وه‌كه ب سه‌دان رێهه‌ڤالێن خوه ب سالانه مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا ئینی 23/2/2024ێ ناسنامه‌یا 4 چه‌كدارێن خوه ئاشكه‌ره كر دو ژێ زارۆك كو ل 11 ته‌باخا سالا 2018ێ ل ئاڤاشینێ یا ل باشوورێ كوردستانێ كه‌تنه به‌ر ئێریشێن ده‌وله‌تا ترك و په‌كه‌كێ پاش ده‌رباسبوونا پتری 5 سالان ژ نوو ڤه مرنا وان ئیفشا كر.
ناڤێن وان وسایه:
ئۆسمان عه‌بدوللا ژ چه‌ولیگێ.
ئیسلام هادی ژ بوردورێ.
عه‌بدولره‌حمان محه‌مه‌د ژ ئامه‌دێ.
دۆغان حه‌سه‌ن ژ وانێ.
هه‌په‌گێ د په‌سنێ ڤان چه‌كدارێن خوه ده دیسا گۆتیه ئه‌و ئاپۆیی بوون و فه‌دایێ ئاپۆ بوون.
ژ ده‌ستپێكا سالا نوو 2024ێ ڤه، په‌كه‌كێ وه‌كه سالێن به‌رێ هه‌ر رۆژ وێنه‌یێن كۆمێن جوانێن كوردان پارڤه‌دكه، جوانێن كو د به‌رخوه‌دانا خوه یا ساخته ده به‌رێ وان دایه مرنێ و مرنا وان ڤه‌شارتی هشتی.
