ل گوندەکێ سەر ب داقۆقێ عەرەبێن ھاوردە سنێلەیەکێ کورد کۆرە دکن

شاھدەک ل گوندێ کلێسەیێ یێ گرێدایی باژارکێ داقۆقێ رادگەھینە، سێ عەرەبێن ھاوردە ل سنێلەیەکێ کورد ددن و چاڤەکێ وی کۆرە دکن.

شاھدەک ل گوندێ کلێسەیێ یێ گرێدایی باژارکێ داقۆقێ ئیرۆ یەکشەمبێ 25/2/2024ێ ژ کوردستان 24ێ رە راگەھاند، “ل گوندێ کلێسەیێ یێ گرێدایی باژارکێ داقۆقێ، سێ عەرەبێن ھاوردە ل سنێلەیەکێ کورد ددن و چاڤەکێ وی کۆرە دکن”.

وی شاھدی گۆت، “ناڤێ وی سنێلەیی بیلال وەلیدە و ژیێ وی 17 سالن و کورێ ئیمام و خەتیبێ گوندییە”.

ل دوو گۆتنێن شاھدان، دەما بیلال ژ دبستانێ ڤەدگەریا مالا خوە، سێ عەرەبێن ھاوردە رێ ل وی گرتیە و ژێ رە گۆتیە “بابێ تە ل سەر ئەردێ مە خانی ئاڤا کریە” و ب ئاوایەکێ ھۆڤانە ل وی دایە و دربەک ب چاڤێ وی کافتیە و چاڤەکێ خوە ژ دەست دایە.

وی شاھدی ھەروەسا گۆت، “پشتی تۆمارکرنا سکالایێ، تاوانبار ھاتنە دەستەسەرکرن و ل برێڤەبەریا پۆلیسێن داقۆقێ ھاتنە گرتن”.