پشتی رەڤاندنا کورێ وی یێ بچووک ژ ئالیێ چەتەیێن ب ناڤێ “جوانێن شۆرەشگەر” یێن سەر ب هەسەدێ ڤە، وەلاتیەکی ژ باژارێ دێرکێ یێ رۆژئاڤایێ کوردستانێ خوە شەوتاند.
ژێدەرێن راگھاندنێ یێن خوەجھی راگھاند کو تەڤگەرا “جوانێن شۆرەشگەر” یا سەر ب هەسەدێ ڤە، رۆژا 9 شباتا 2024 زارۆکێ 16 سالی یێ ب ناڤێ ئەحمەد فرسان حەبەش ژ گوندێ بانووکیێ یێ ب سەر باژارێ دێرکێ ڤە رەڤاند، و تا نھا چارەنڤیسا وی نە دیارە.
ھەمان ژێدەران دانە زانین کو بابێ زارۆکێ رەڤاندی سەرەدانا تەڤایا ناڤەند و دەزگەھێن ب سەر رێڤەبەریا پەیەدێ کر داکو کورێ خوە ئەحمەدێ نەخوەش ڤەگەرینە لێ ھەولێن وی بێسوود بوون، و پشترە د رێیا پەیوەندیەکێ رە ھات پشتراستکرن کو کورێ وی د لەشکەرگەھێن وان دە راھینانا لەشکەری دکە.
سەربار کر ژی کو فرسان حەبەش بابێ زارۆکێ رەڤاندی وەکو نەرازیبوون ل سەر رەڤاندنا کورێ خوە ژ ئالیێ هەسەدێ ڤە خوە شەوتاند.
زارۆکێ رەڤاندی ئەحمەد فرسان حەبەش ژدایکبوویێ سالا 2008، ژ گوندێ بانووکیێ یێ سەر ب دێرکێ ڤەیە.
