رۆژ نیوزا مەدیایا پەکەکێ یا ل سلێمانیێ وەشانێ دکە بوویە جیهێ بێئەخلاقیان، ژ دەرڤەی نووچەیێن بێئەخلاقانە یێن دەربارێ باشوورێ کوردستانێ ل سەر میزێن رۆژ نیوزێ تێن چێکرن و نڤیساندن، هن ژ کارمەندێن رۆژ نیوزێ راستی دەستدرێژیا سکسی ژی تێن.
ل گۆر ئاگاهیێن تایبەت یێن پێگەها دارکا مازی کو د ناڤا رۆژ نیوزێ پێ گهشتنە، ئەڤ مەدیایا پەکەکێ د نها دە بوویە جیهێ کارێن بێ رەوشتانە و ب ڤێ سەدەمێ ژی هەژمارەک ژ کارمەندێن ڤێ سازیا مەدیایی دەست ژ کارێ خوە بەردانە و چوونە مالا خوە.
چاڤکانیێن دارکا مازی ئەشکەرە کرن، هن تێکلیێن سکسی و دوور ژ ئەخلاق د ناڤا کارمەندێن رۆژ نیوزێ دە دروست بوونە، لێ ژ بەر فشارێن پەکەکێ ل سەر ڤان کارمەندان ئەو نەچار مانە ب هەڤ رە بزەوجن.
بۆ میناک:
کارمەندێ رۆژ نیوزێ یێ ب ناڤێ “ن” کارێ سکسی لگەل کارمەندەکا ژن یا ب ناڤێ “ئێ” کو ژ شێنیێن باژارێ رانیایێ یە ئەنجامدابوو، ب ڤێ سەدەمێ کەچا کارمەند دوگیان دبە و ژ بەر فشارا پەکەکێ ژ بۆی نخوماندنا ڤێ یەکێ ئەو تێن نەچار کرن ب هەڤ رە بزەوجن.
هەر وەها ب هەمان ئاوایی کارمەندێ ب ناڤێ “ب” ژیانا هەڤژینیێ لگەل کارمەندا ژن یا ب ناڤێ “ت” دە کو یەک ژ نووچەگهانێن ژن تیڤیێ یە پێکئانیە و نووچەگهانەکی دن یێ رۆژ نیوسێ یێ ب ناڤێ “ب” ژی ژ بەر کو تێکلیێن سکسی ب یەک ژ کارمەندێن دن یێن ژن یێن رۆژ نیوزێ رە دانینە ژ ئالیێ پەکەکێ ڤە هاتنە نەچار کرن ب هەڤ رە بزەوجن.
کارێن دوور ژ ئەخلاق نە ب تەنێ د ناڤبەرا کارمەندێن چاپەمەنیێ یێن پەکەکێ دە هەیە، ئەڤ کار د نێڤبەرا بەرپرسێن پایە بلند یێن پەکەکێ و هن کەچە گەریلایان دە هەم ل چیا و هەم ژی ل رۆژئاڤا کوردستانێ هەیە و بەردەوامە.
