ائەندامێن رێخستنا ب ناڤێ “جوانێن شۆرەشگەر” یا گرێدایی پارتیا کارکەرێن کوردستانێ، کەچەکە تەمەن بچووک ژ تاخا شێخ مەقسوود یا ل گوندەوارێ حەلەبێ یێ باکورێ سووریێ کو د بن کۆنترۆلا یەپەگێ دەیە، رەڤاند.
چاڤکانیەکە ھەرێمی ژ تاخا شێخ مەقسوود ئەشکەرە کر کو د 12 کانوونا پێشین یا 2023 دە “جوانێن شۆرەشگەر” زارۆکا ب ناڤێ رۆکەن ئەحمەد مستەفا ژ داییک بوویا سالا 2008 رەڤاند و گۆت: ڤێ کەچێ د سالۆنەکا ژنان دە کار دکر، “جوانێن شۆرەشگەر” ئەو کەچ بر ناڤەندەکا لەشکەری یا ل تاخا شەقیف و پشترە رادەستی یەکینەیێن پاراستنا ژنێ ھاتە کرن.
ھەمان چاڤکانیێ ئاماژە ب وێ یەکێ ژی کر کو بەرپرسێن “جوانێن شۆرەشگەر” پشتی 40 رۆژان ژ رەڤاندن و لەشکەرکرنا رۆکەنێ تەلەفۆنا وێ رادەستی مالباتا وێ کرنە.
رۆکەن 16 سالی یە، ژ گوندێ “قرمتلق”یێ ناڤچەیا “شیا”یا گوندەوارێ ھەرێما عەفرینێ یە.
تێ زانین، فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
