ب سه‌ده‌ما ساخكرنا رۆژا وه‌فاتا «بارزانیێ نه‌مر»، په‌كه‌كێ ئێریشی بارگه‌هێ په‌ده‌كه‌سێ كر

ژ به‌ر ساخكرنا رۆژا وه‌فاتا گه‌نه‌رال مه‌لا مسته‌فا بارزانی، چه‌ته‌یێن په‌كه‌كێ ئێریشی باره‌گه‌هێ په‌ده‌كه‌سێ ل كۆبانێ كر و زرارێن مه‌زن گهاندن باره‌گه‌هێ.

چاڤكانیێن داركامازی یێن ل رۆژئاڤا كوردستانێ ئاشكه‌ره‌ كرن، ئیرۆ رۆژا ئینی 1/3/2024ێ چه‌ته‌یێن په‌كه‌كێ ب سه‌ر باره‌گه‌هێ پارتیا ده‌مۆكراتا كوردستانێ / سووریه‌ كر و هه‌ر تشت تێ ده‌ شكاندن و ژ ناڤ برن.

ل گۆری ئاگاهیێن ده‌ستێ مه‌، ئه‌نجومه‌نا نشتیمانیا كوردی ل سووریێ ئه‌نه‌كه‌سێ بریار دابوو كو رۆژا وه‌فاتا گه‌نه‌رال مه‌لا مسته‌فا بارزانی رێبه‌رێ گه‌لێ كورد و بزاڤا رزگاریخوازا كورد ساخ بكه‌، ژ به‌ر ڤێ سه‌ده‌مێ ب ده‌هان چه‌ته‌یێن په‌كه‌كێ ب سه‌ر باره‌گه‌ها په‌ده‌كه‌سێ یا ل كۆبانێ ده‌ گرتن و باره‌گه‌هێ تێكدان.

چاڤكانیێن مه‌ وێنه‌ و دیمه‌نێن ئێریشا چه‌ته‌یێن په‌كه‌كێ یێن ل سه‌ر باره‌گه‌ها په‌ده‌كه‌سێ شاندنه‌ و تێ ده‌ خوه‌یا دبه‌ كو باره‌گه‌هـ ب ته‌مامی هاتیه‌ تێكبرن.