ل باتمانێ د 45 سالڤەگەرا کۆچا داوی یا نەمر مەلا مستەفا بارزانی دە، کۆنفەرانسەک ھات ل دارخستن و بەشداران بال کێشاندن کو مەلا مستەفا بارزانی ژ دەستپێکێ ھەتا داویا ژیانا خوە ھەر دەم بۆ خزمەتا دۆزا نەتەوەیا کورد کەد دایە.
ل باتمانێ ژ ئالیێ پارتیا وەلاتپارێزێن کوردستانێ ڤە د هۆلا نڤێسینگەها باتمانێ یا تاھیر ئەلچی دە کۆنفەرانسەک بۆ بیرئانینا مەلا مستەفا بارزانی ھات ل دارخستن. ئاخافتنڤانێن کۆنفەرانسێ ئاماژە کرن کو خوەدیلێدەرکەتنا نرخێن نەتەوەیی یێن وەک مەلا مستەفا بارزانی ئەرکا ھەر کوردەکی یە و دڤێت گرنگیا رێبازا بارزانی باش بهێت راڤەکرن.
سەرۆکێ تەشکیلاتا باتمانێ یا PWK عەزیز ئۆزدەمیر رێڤەبەریا کۆنفەرانسێ کر و د دەربارێ ئارمانج و بەرنامەیا کۆنفەرانسێ دە ئاھاگداری دا.
د دەستپێکێ دە ڤیدەۆیەکا کو ژ کورتە ژییانا مەلا مستەفا بارزانی پێک ھاتبوو ھاتە پێشکێش کرن.
پاشێ جێگرێ سەرۆکێ گشتی یێ پارتیا وەلاتپاریزێن کوردستانێ محەمەد جان ئازبای (جانۆ ئامەدی)، نڤیسکار و لێکۆلینەرێ کورد سەید ڤەرۆژ و سییاسەتمەدارێ کورد مەلا عارف سومەرکان د دەربارێ ژییان، تێکۆشین، خەبات و رۆل و گرینگی یا مەلا مستەفا بارزانی یێ نەمر دە ئاخافتن.
ئاخافتڤانێن بەرنامەیا بیرئانینا مەلا مستەفا بارزانی بال کشاندن کو مەلا مستەفا بارزانی ئەوقاسی ب کوردستانێ ڤە ھاتبوو گرێدان کو ژیانا وی د ھەمان دەمێ دە بویە بەشەک ژ دیرۆکا نێزیکا کوردستانێ و پڕانیا ژیانا خوە بۆ تەکۆشینا ئازادیا کوردستانێ خەرج کریە.
ئاخافتڤانێن کۆنفەرانسێ بالێ کێشاندن کو کەدا مەلا مستەفا بارزانی رۆنی دایە ھەر چار پارچەیێن کوردستانێ و د ھەر رەنگەک کوردی دە شۆپا وی ھەیە.
