وەزیرێ ناڤخوەیێ ترکیێ دیار کر، د ئۆپەراسیۆنێن “چەمبەر 13″یێ یێن کو د 4 رۆژێن داوین دە، ل 81 باژاران هاتیە ئەنجامدایین 3765 کەس ھاتن گرتن.
وەزیرێ ناڤخوەیێ ترکیێ عەلی یەرلیکایا ل ھەژمارا خوەیا مەدیایا جڤاکی دەربارێ ئۆپەراسیۆنێن چەمبەر 13 کو ل سەرانسەرێ ترکیەیێ ل دژی کەسێن کو لێ دگەریان ھاتن کرن دە، داخویانی دا.
یەرلکایا دیار کر د چارچۆڤەیا ئۆپەراسیۆنێن چەمبەر 13 دە 3730 کەسێن لێ دگەریان ھاتن گرتن.
دا زانین ژی، 588 کەس ژ بەر دزیێ، 282 ژ بەر سەختەکاریێ، 119 کەس ژ بەر تالانکەریێ، 38 ژ بەر کوشتنێ، 87 ژ بەر دەستدرێژیێ، 678 کەس ژ بەر سووچێن ھشبرێ، 40 کەس ژ بەر سووچێن تەرۆرێ، 396 کەس ژی ژ بەر سووچێن دن (قاچاخچیتی، رێخستنی) ھاتنە گرتن.
وەزیرێ ناڤخوەیێ ترکیێ ئاماژە ب وێ ژی کر، ئەڤ 3765 کەسێن ھاتنە گرتنە، رادەستی سازیێن دادوەریێ ھاتنە کرن.
