ئاژانسا فەرمی یا دەولەتا ترکیێ ئانادۆلویێ، راگەھاند، سازیا ئیستخباراتا میلی یا ترکیێ (میت)ێ ب ئۆپەراسیۆنەکێ بەرپرسا پەکەکێ/کەجەکێ یا رێخستنا جوانان گولسون سلگر ل سلێمانیێ کوشتیە.
ل گۆر ھەمان چاڤکانیێ کو نووچەیا خوە سپارتیە ژێدەرێن ئەولەھیێ، میتێ ل چۆلێن پێنجوێنا سەر ب باژارێ سلێمانیێ ب ئۆپەراسیۆنەکی یەک ژ بەرپرسێن رێخستنێن جوانان یا پەکەکێ یا ب ناڤێ گولسون سلگر کو وەک سارا ھۆگر رحا تێ ناسکرن ژ کار خستیە و د ئۆپەراسیۆنا میتێ دە ژیانا خوە ژ دەست دایە.
ھات راگەھاندن گولسون سلگر یان ژی ب ناڤێ دن سارا ھۆگر رحا ژ سالا 2011 ڤە د ناڤ تەڤگەرا جوانان یا پەکەکێ دە جیھ گرتیە و بەشداری ل چالاکیان کریە و د خەباتێن خاپاندنا جوانان و تەڤلکرنا رێخستنێ دە جیھ گرتیە و ژ سالا 2021 ھەتا نھا ژی ل دەردۆرا سلێمانیێ بەشداری د کارێن رێخستنێ دە کریە.
